ສະຖານທີ່
ຫຼວງພະບາງ (Luang Prabang) 1. Luang Prabang Provincial Library
4 ສະມາຊິກທີມ
The Way Out
Named the "Stepforward Project," this initiative acts as a psycho-social counseling framework and recovery system targeting community…
ຫົວຂໍ້ໂຄງການ
ກ່ຽວກັບໂຄງການ
ໂຄງການນີ້ຈັດຂຶ້ນເພື່ອເປັນພື້ນທີ່ປອດໄພ ແລະ ຟື້ນຟູກຳລັງໃຈ, ສ້າງແຮງບັນດານໃຈ ແລະ ປູກຈິດສຳນຶກໃຫ້ກັບໄວໜຸ່ມໃນຊຸມຊົນທີ່ກຳລັງປະສົບກັບພາວະໝົດໄຟ ໃນການຮຽນ. ໂດຍຜ່ານການຈັດກິດຈະກຳເວີກຊັອບ ແລກປ່ຽນປະສົບການ ແລະ ເປົ້າໝາຍຊີວິດ ເພື່ອໃຫ້ໄວໜຸ່ມໃນຊຸມຊນເຫັນຄຸນຄ່າຂອງການສຶກສາ, ມີແຮງຈູງໃຈໃນການພັດທະນາຕົນເອງ ແລະ ເຕີບໂຕຢ່າງມີທິດທາງ.
ເປົ້າໝາຍໂຄງການ
- ເພື່ອຟື້ນຟູພະລັງໃຈ ແລະ ປ່ຽນຄ່ານິຍົມຂອງໄວໜຸ່ມ ໃຫ້ຫັນກັບມາເຫັນຄຸນຄ່າ ແລະ ຄວາມສຳຄັນຂອງການສຶກສາ.
- ເພື່ອສົ່ງເສີມໃຫ້ໄວໜຸ່ມມີທັກສະໃນການຈັດການຄວາມກົດດັນ, ເຂົ້າໃຈຕົນເອງ ແລະ ສາມາດວາງແຜນເປົ້າໝາຍຊີວິດໃນອະນາຄົດໄດ້.
- ເພື່ອສ້າງເຄືອຂ່າຍການຮຽນຮູ້ ແລະ ສະພາບແວດລ້ອມທີ່ດີຂອງຊຸມຊົນໃນໄລຍະຍາວ ທີ່ຈະຄອຍຊ່ວຍເຫຼືອກັນ, ໃຫ້ຄຳປຶກສາ ແລະ ປະຄອງໄວໜຸ່ມໃຫ້ເຕີບໂຕຢ່າງມີທິດທາງ.
ຜົນງານຫຼັກ
- ໄວໜຸ່ມທີ່ເຂົ້າຮ່ວມມີແຮງຈູງໃຈ, ທັດສະນະຄະຕິທີ່ດີຂຶ້ນຕໍ່ການຮຽນ ແລະ ສາມາດກັບເຂົ້າມາສູ່ລະບົບການສຶກສາຢ່າງມີທິດທາງ.
- ຜູ້ເຂົ້າຮ່ວມປະມານ 60% ມີຄວາມເຂົ້າໃຈໃນຕົນເອງ, ຮູ້ວິທີຈັດການກັບຄວາມກົດດັນ ແລະ ພາວະໝົດໄຟໄດ້ດີຂຶ້ນ.
- ສ້າງການປ່ຽນແປງທາງພຶດຕິກຳໃນຊຸມຊົນ ໂດຍຫຼຸດຜ່ອນອັດຕາການປະລະເລີຍການຮຽນ ແລະ ສ້າງບັນຍາກາດທີ່ເອື້ອອຳນວຍຕໍ່ການຮຽນຮູ້ຂອງໄວໜຸ່ມ.
ບັນຫາ
ໄວໜຸ່ມໃນຊຸມຊົນບາງຈຳນວນກຳລັງປະເຊີນກັບພາວະໝົດໄຟ ແລະ ເກີດຄວາມທໍ້ຖອຍ ຈົນສົ່ງຜົນໃຫ້ປະລະເລີຍ ແລະ ບໍ່ໃຫ້ຄວາມສຳຄັນກັບການສຶກສາ ອີກທັງຍັງຂາດແຮງຈູງໃຈ ແລະ ມຸມມອງທີ່ຊັດເຈນວ່າການສຶກສາຈະສາມາດປ່ຽນແປງ ຫຼື ສ້າງອະນາຄົດໃຫ້ເຂົາເຈົ້າໄດ້ແນວໃດ ເຊິ່ງໃນຊຸມຊົນເອງກໍ່ຍັງຂາດກິດຈະກຳ ຫຼື ເຂດປອດໄພທີ່ຈະຊ່ວຍຟື້ນຟູກຳລັງໃຈ, ໃຫ້ຄຳປຶກສາ ແລະ ດຶງສັກກະຍະພາບຂອງໄວໜຸ່ມເຫຼົ່ານີ້ກັບຄືນມາ.
ວິທີແກ້ໄຂ
ຈັດກິດຈະກຳອົບຮົມພາຍໃຕ້ບັນຍາກາດທີ່ປອດໄພ ເພື່ອຟື້ນຟູພະລັງໃຈຂອງໄວໜຸ່ມຈາກພາວະໝົດໄຟ, ເປີດໂອກາດໃຫ້ໄດ້ແລກປ່ຽນມຸມມອງຊີວິດ ແລະ ຄົ້ນພົບເປົ້າໝາຍໃນການຮຽນຮູ້ຢ່າງມີທິດທາງ.
ກິດຈະກຳ
- ຈັດກິດຈະກຳ ເວີກຊັອບ ປູກພະລັງບວກ ແລະ ເປີດມຸມມອງໃໝ່ ເພື່ອໃຫ້ໄວໜຸ່ມຮຽນຮູ້ວິທີຮັບມືກັບຄວາມທໍ້ຖອຍ.
- ກິດຈະກຳກຸ່ມແລກປ່ຽນມຸມມອງ ແລະ ຄົ້ນຫາຄວາມຝັນ ເພື່ອຊ່ວຍໃຫ້ໄວໜຸ່ມວາງແຜນ ແລະ ໃຫ້ເຂົ້າໃຈເຖິງຄວາມເຊື່ອມໂຍງຕໍ່ການສຶກສາ.
- ສ້າງເຄືອຂ່າຍສາຍສຳພັນໃນຊຸມຊົນ ເພື່ອໃຫ້ໄວໜຸ່ມມີກຸ່ມເພື່ອນທີ່ຄອຍຊ່ວຍເຫຼືອ ແລະ ຊຸກດັນກັນໃຫ້ເຂັ້ມແຂງໄດ້ຢ່າງຕໍ່ເນື່ອງ.
ຜູ້ໄດ້ຮັບຜົນປະໂຫຍດ
ໄວໜຸ່ມ, ນັກຮຽນໃນຊຸມຊົນ, ພໍ່ແມ່ຜູ້ປົກຄອງ ແລະ ຊຸມຊົນໂດຍລວມ.
ທັກສະທີ່ໄດ້ຮັບ
- ທັກສະການສື່ສານ ແລະ ການນຳສະເໜີ.
- ທັກສະການເວົ້າຕໍ່ໜ້າຝູງຊົນ.
- ທັກສະການສັງເກດ ແລະ ການຕອບສະໜອງ.
- ທັກສະການເປັນຜູ້ອຳນວຍຄວາມສະດວກ.
- ທັກສະການຮັບມືສະເພາະໜ້າ.
ໂຄງການນີ້ຊ່ວຍໃຫ້ໄວໜຸ່ມມີຮ້ອຍຍິ້ມ, ມີການປ່ຽນແປງທາງດ້ານທັດສະນະຄະຕິຫຼາຍຂຶ້ນ, ເຫັນເປົ້າໝາຍຊີວິດຊັດເຈນຂຶ້ນ ແລະ ຍັງນຳເອົາພະລັງບວກນີ້ໄປແຜ່ຂະຫຍາຍໃຫ້ກັບເພື່ອນໆ, ຄູອາຈານໃນຊຸມຊົນ ແລະ ຄອບຄົວອີກດ້ວຍ.
— Mr. Sonephet Thipayavong
ຄູ່ຮ່ວມມື
- UNICEF
- Sinxay youth champions
- Mentor
- ສູນກາງຊາວໜຸ່ມປະຊາຊົນປະຕິວັດລາວ
- ຫໍສະໝຸດແຂວງຫຼວງພະບາງ
ແຜນການໃນອະນາຄົດ
- ຂະຫຍາຍກິດຈະກຳອົບຮົມ ແລະ ການສ້າງພື້ນທີ່ປອດໄພໄປຍັງຊຸມຊົນ ຫຼື ໂຮງຮຽນອ້ອມຂ້າງ.
- ພັດທະນາໄວໜຸ່ມຮຸ່ນທຳອິດທີ່ຜ່ານການອົບຮົມ ໃຫ້ກາຍເປັນ ແກ່ນນຳອາສາສະໝັກ ເພື່ອສົ່ງຕໍ່ຄວາມຮູ້ ແລະ ສ້າງແຮງບັນດານໃຈໃຫ້ຮຸ່ນນ້ອງ.
ສິ່ງທີ່ຕ້ອງການເພື່ອສືບຕໍ່
- ງົບປະມານ ແລະ ທຶນຮ່ວມສະໜັບສະໜູນ: ເພື່ອຂະຫຍາຍຂອບເຂດການຈັດກິດຈະກຳອົບຮົມ ແລະ ສ້າງສື່ການຮຽນຮູ້ໃຫ້ກວ້າງຂວາງກວ່າເກົ່າ.
- ການມີສ່ວນຮ່ວມຂອງຊຸມຊົນ: ການສ້າງພັນທະມິດຮ່ວມກັບຜູ້ປົກຄອງ, ໂຮງຮຽນ ແລະ ຜູ້ນຳຊຸມຊົນ ເພື່ອຮ່ວມກັນຊຸກດັນໂຄງການຢ່າງຍືນຍົງ.
ຄັງຮູບການຈັດຕັ້ງປະຕິບັດ
1 / 5 · The Way Out
ໂຄງການທີ່ກ່ຽວຂ້ອງ
Youth Champions · Vientiane
SoulCare
This capacity-building project focuses on delivering foundational mental health education, introducing clinical concepts of psychological…
Youth Champions · Vientiane
Healing Season
This initiative focuses on raising foundational mental health awareness and fostering long-term psychological well-being among youth…
Youth Champions · Vientiane
TimeCapsule
This capacity-building initiative focuses on empowering youth by developing critical skills in emotional self-reflection, baseline mental…