ສະຖານທີ່
ສະຫວັນນະເຂດ (Savannakhet) 1. ໂຮງຮຽນມັດທະຍົມສົມບູນຊອກ 2. ໂຮງຮຽນມັດທະຍົມສົມບູນຕົ້ນແຫນ
5 ສະມາຊິກທີມຍິງ 4
Youth Smart Love
This initiative focuses on raising foundational awareness regarding teenage pregnancy and adolescent reproductive health among high school…
ຫົວຂໍ້ໂຄງການ
ກ່ຽວກັບໂຄງການ
ໂຄງການ Youth Smart Love ແມ່ນໂຄງການເຜີຍແຜ່ກ່ຽວກັບການປ້ອງກັນການຖືພາກ່ອນໄວອັນຄວນ ແລະ ສົ່ງເສີມຄວາມຮູ້ດ້ານເພດສຶກສາ ໂດຍເນັ້ນໃສ່ກຸ່ມໄວໜຸ່ມທີ່ຢູ່ເຂດຊານເມືອງ ເພື່ອຫຼຸດຜ່ອນບັນຫາການຖືພາກ່ອນໄວອັນຄວນ ແລະ ການອອກໂຮງຮຽນກາງຄັນ ໂດຍການຈັດກິດຈະກຳຝຶກອົບຮົມເຜີຍແຜ່ຄວາມຮູ້ກ່ຽວກັບການປ້ອງກັນ ແລະ ຜົນຮ້າຍຂອງການຖືພາກ່ອນໄວອັນຄວນ.
ເປົ້າໝາຍໂຄງການ
- ສ້າງຄວາມຕື່ນຕົວ ແລະ ໃຫ້ຄວາມຮູ້ຄວາມເຂົ້າໃຈທີ່ຖືກຕ້ອງ ກ່ຽວກັບເພດສຶກສາ ແລະ ຜົນກະທົບຂອງການຖືພາກ່ອນໄວອັນຄວນ.
- ຫຼຸດຜ່ອນອັດຕາການຖືພາໃນໄວໜຸ່ມ.
- ສ້າງລະບົບຊ່ວຍເຫຼືອ ແລະ ໃຫ້ຄຳປຶກສາ ສ້າງຊ່ອງທາງທີ່ປອດໄພໃຫ້ໄວໜຸ່ມສາມາດເຂົ້າມາປຶກສາ ແລະ ຂໍຄຳແນະນຳໄດ້.
- ຫຼຸດຜ່ອນການອອກຮຽນກາງຄັນ.
ຜົນງານຫຼັກ
- ອັດຕາການຖືພາໃນໄວຮຽນຂອງໄວໜຸ່ມ ຫຼຸດລົງໄດ້ຫຼາຍກວ່າ 30%–40% ໃນເຂດຊຸມຊົນທີ່ລົງໄປເຜີຍແຜ່.
- ໄວໜຸ່ມຫຼາຍກວ່າ 70% ໄດ້ມີຄວາມຮູ້ດ້ານເພດສຶກສາ, ວິທີປ້ອງກັນ ແລະ ມີຄວາມລະມັດລະວັງຕົວຫຼາຍຂຶ້ນກວ່າເກົ່າ.
- ຈຳນວນໄວໜຸ່ມອອກໂຮງຮຽນກາງຄັນຫຼຸດໜ້ອຍລົງປະມານ 30%–40%.
ບັນຫາ
- ຢູ່ເຂດຊານເມືອງຍັງມີອັດຕາການຖືພາກ່ອນໄວອັນຄວນ ແລະ ການອອກໂຮງຮຽນກາງຄັນຫຼາຍ.
- ຂາດແຫຼ່ງຂໍ້ມູນ ແລະ ຄຳແນະນຳທີ່ເໝາະສົມ. ອາດໄດ້ຮັບຂໍ້ມູນຈາກໝູ່ ຫຼື ອິນເຕີເນັດທີ່ບໍ່ຖືກຕ້ອງ.
- ໄວໜຸ່ມສ່ວນຫຼາຍຍັງຂາດຄວາມຮູ້ກ່ຽວກັບເພດສຶກສາ ແລະ ການປ້ອງກັນທີ່ຖືກຕ້ອງ.
ວິທີແກ້ໄຂ
- ຈັດກິດຈະກຳຝຶກອົບຮົມເຜີຍແຜ່ຄວາມຮູ້ກ່ຽວກັບການປ້ອງກັນການຖືພາ ແລະ ເພດສຶກສາ.
- ເຮັດຄລິບ ຫຼື ຄອນເທັນ ທີ່ສົ່ງເສີມການປ້ອງກັນການຖືພາ ແລະ ເພດສຶກສາ ລົງເຟສບຸກ ຫຼື ສື່ອອນລາຍຕ່າງໆ.
ກິດຈະກຳ
ຈັດກິດຈະກຳເຜີຍແຜ່ຄວາມຮູ້ກ່ຽວກັບການປ້ອງກັນ, ເພດສຶກສາ, ພະຍາດຕິດຕໍ່ທາງເພດ ແລະ ສິດທິກົດໝາຍ. ນອກນີ້ຍັງມີກິດຈະກຳຖາມ-ຕອບ, ການທົດລອງໃຊ້ຖົງຢາງອະນາໄມ ແລະ ເກມສະຖານະການຈິງ ທີ່ໃຫ້ຜູ້ເຂົ້າຮ່ວມໄດ້ຄິດວ່າ ຫາກຕົນເອງຢູ່ໃນສະຖານະການນັ້ນ ຈະມີວິທີຮັບມື ແລະ ແກ້ໄຂບັນຫາໄດ້ແນວໃດ.
ຜູ້ໄດ້ຮັບຜົນປະໂຫຍດ
ນັກຮຽນ ແລະ ໄວໜຸ່ມໃນຊຸມຊົນອ້ອມຂ້າງ
ທັກສະທີ່ໄດ້ຮັບ
- ທັກສະການບໍລິຫານຈັດການໂຄງການ ແລະ ການວາງແຜນງົບປະມານ.
- ທັກສະການສື່ສານ, ການເວົ້າໃນທີ່ສະທາລະນະ ແລະ ການຈັດຝຶກອົບຮົມ.
- ທັກສະການແກ້ໄຂບັນຫາສະເພາະໜ້າ ແລະ ການເຮັດວຽກເປັນທີມ.
“ໂຄງການນີ້ເຮັດໃຫ້ນັກຮຽນຈຳນວນຫຼາຍໄດ້ຮຽນຮູ້ວິທີປ້ອງກັນ ແລະ ຮູ້ຈັກກ່ຽວກັບເພດສຶກສາຫຼາຍຂຶ້ນ. ນັກຮຽນຫຼາຍຄົນເລືອກທີ່ຈະຮຽນຕໍ່ ແລະ ຈຳນວນນັກຮຽນອອກຮຽນກາງຄັນຫຼຸດລົງ.” — ອາຈານ ອິນຕາ (ຮອງອຳນວຍການໂຮງຮຽນ)
— Ms. Thipthida Sorphothilath
ຄູ່ຮ່ວມມື
- ໂຮງຮຽນມັດທະຍົມສົມບູນຊອກ ແລະ ໂຮງຮຽນມັດທະຍົມສົມບູນຕົ້ນແຫນ (ໃຫ້ສະຖານທີ່ ແລະ ນຳພານັກຮຽນເຂົ້າຮ່ວມ).
- ນັກສຶກສາປີ 4 ທີມ 3 ສົກຮຽນ 2026 ຈາກສະຖາບັນລາວ-ອາເມລິກາ ພາກວິຊາການສື່ສານເພື່ອການພັດທະນາ (ໃຫ້ວິດີໂອສັ້ນກ່ຽວກັບການຖືພາໃນໄວໜຸ່ມ ເພື່ອນຳມາເຜີຍແຜ່).
- ນາງ ສຸກນີລັນ (ໃຫ້ຄຳປຶກສາ ແລະ ອຸປະກອນໃນການຈຳລອງການໃສ່ຖົງຢາງອະນາໄມ).
ແຜນການໃນອະນາຄົດ
- ສ້າງສື່ຄວາມຮູ້ກ່ຽວກັບເພດສຶກສາ, ການປ້ອງກັນ ແລະ ໂພສລົງຜ່ານໜ້າເຟສບຸກ Youth Smart Love.
- ຈັດຝຶກອົບຮົມໃນເຂດທີ່ຫ່າງໄກ ຫຼື ເຂດທີ່ການສຶກສາເຂົ້າເຖິງຍາກ.
ສິ່ງທີ່ຕ້ອງການເພື່ອສືບຕໍ່
- ຊອກຫາພັນທະມິດເພື່ອມາຮ່ວມມືສະໜັບສະໜູນງົບປະມານ ໃນການພັດທະນາ ແລະ ຂະຫຍາຍໂຄງການໄປສູ່ໂຮງຮຽນ ແລະ ຊຸມຊົນທີ່ຫ່າງໄກ.
- ຢາກມີຜູ້ຊ່ຽວຊານມາໃຫ້ຄວາມຮູ້ ແລະ ຝຶກອົບຮົມໃຫ້ແກ່ທີມງານ ເພື່ອນຳຄວາມຮູ້ໄປພັດທະນາ ແລະ ຖ່າຍທອດຕໍ່ໃຫ້ແກ່ໄວໜຸ່ມ.
ຄັງຮູບການຈັດຕັ້ງປະຕິບັດ
1 / 5 · Youth Smart Love
ໂຄງການທີ່ກ່ຽວຂ້ອງ
Youth Champions · Vientiane
SoulCare
This capacity-building project focuses on delivering foundational mental health education, introducing clinical concepts of psychological…
Youth Champions · Vientiane
Healing Season
This initiative focuses on raising foundational mental health awareness and fostering long-term psychological well-being among youth…
Youth Champions · Vientiane
TimeCapsule
This capacity-building initiative focuses on empowering youth by developing critical skills in emotional self-reflection, baseline mental…