ກ່ອນ
ພວກເຮົາໄດ້ເຝິກອົບຮົມເລື່ອງແນວທາງຄວາມຄິດກ່ຽວກັບການສ້າງທຸລະກິດພາຍໃຕ້ໂລກສີຂຽວກັບທາງສິນໄຊອັບຊິບ ພວກເຮົາໄດ້ຮຽນຮູ້ກ່ຽວກັບການຄົ້ນຫາແນວທາງຄວາມຄິດໃຫ້ສອດຄ້ອງກັບຄວາມຕ້ອງການຂອງຄົນເຮົາ ແລະ ແນວທາງການລິເລີ່ມທີ່ຈະສ້າງທຸລະກິດພາຍໃຕ້ເງື່ອນໄຂງົບປະມານທີ່ມີຈຳກັດ ແລະ ໄດ້ຮຽນຮູ້ການຄິດໄລ່ງົບປະມານສຳລັບການສ້າງທຸລະກິດນີ້, ໄດ້ທັດສະນະເບິ່ງການຮຽນຮູ້ກ່ຽວກັບການສ້າງຜະລິດຕະພັນມາຈາກວັດສະດຸເສດເຫຼືອຫຼືສິ່ງທີ່ຄົນເຮົາເບິ່ງບໍ່ມີຄ່າ ວ່າຈະເຮັດແນວໃດໃຫ້ມັນຜັນປ່ຽນມາເປັນສິ່ງທີ່ຄົນຕ້ອງການແລະມາສ້າງໃຫ້ເປັນທຸລະກິດໄດ້, ພວກເຮົາກໍ່ໄດ້ລົງປະຕິບັດໂຕຈິງຕາມແບບແຜນຫົວຂໍ້ໂຄງການທີ່ເຮົາຄິດໄວ້ ພວກເຮົາໄດ້ຮູ້ວ່າການສ້າງທຸລະກິດສຳລັບໂລກສີຂຽວນັ້ນບໍ່ໄດ້ຍາກເລີຍພຽງແຕ່ລົງມືເຮັດເຖິງຈະມີອຸປະສັກທາງດ້ານການເງິນເຂົ້າມາກ່ຽວເລັກນ້ອຍພວກເຮົາກໍ່ໄດ້ຮຽນຮູ້ວິທີແກ້ໄຂແລະກ້າວຜ່ານມັນໄປໄດ້ ສິ່ງທິ່ພວກເຮົາປະທັບໃຈທີ່ສຸດແມ່ນຮອຍຍິ້ມແລະສຽງຫົວມ່ວນຊື່ນຂອງຄົນໃນທີມແລະເດັກນ້ອຍທີ່ຮ່ວມອາສາໃນການເຮັດກິດຈະກຳທີ່ຈະຮັກສາສິ່ງແວດລ້ອມໄປນຳກັນມັນເຮັດໃຫ້ຮູ້ສຶກວ່າການຮັກສາສິ່ງແວດລ້ອມນີ້ມັນບໍ່ໄດ້ຍາກເລີຍພຽງແຕ່ລົງມືເຮັດ." - ນາງ ຊັ່ນນີ່ ບຸບຜາ, ທີມ YOLO ໂຄງການ ZEROCREW LPB
